Gâşiye Sûresi Muhammad Saleh Meâli

(ئى مۇھەممەد!) ساڭا ھەقىقەتەن قىيامەتنىڭ خەۋىرى كەلدى ﴾ 1 ﴿
بۇ كۈندە نۇرغۇن ئادەملەر خار بولغۇچىدۇر ﴾ 2 ﴿
ئۇلار دۇنيادا گۇناھ قىلغۇچىلاردۇر، (ئاخىرەتتە) جاپا تارتقۇچىلاردۇر ﴾ 3 ﴿
ئۇلار ھارارىتى قاتتىق دوزاخقا كىرىدۇ ﴾ 4 ﴿
(سۇلىرى) قايناپ تۇرغان بۇلاقتىن سۇغىرىلىدۇ ﴾ 5 ﴿
ئۇلار ئۈچۈن زەرىدىن (يەنى بەتبۇي، ئاچچىق تىكەندىن) باشقا يېمەكلىك بولمايدۇ ﴾ 6 ﴿
زەرى كىشىنى سەمرىتمەيدۇ، ئاچلىقنى پەسەيتمەيدۇ ﴾ 7 ﴿
بۇ كۈندە نۇرغۇن كىشىلەر باركى، ئۇلار نېمەت بىلەن خۇشالدۇر ﴾ 8 ﴿
بۇ دۇنيادا قىلغان (سەئيى ئەمەللىرىدىن) مەمنۇندۇر ﴾ 9 ﴿
ئۇلار ئالىي جەننەتتىدۇر ﴾ 10 ﴿
ئۇ يەردە يامان سۆز ئاڭلىمايدۇ ﴾ 11 ﴿
ئۇ يەردە بۇلاقلار ئېقىپ تۇرىدۇ ﴾ 12 ﴿
ئۇ يەردە ئېگىز تەختلەر، قاتار تىزىلغان قەدەھلەر، رەت - رەت قويۇلغان ياستۇقلار، سېلىنغان ئېسىل بىساتلار بار ﴾ 13 ﴿
ئۇلار قارىمامدۇكى، تۆگىلەر قانداق يارىتىلدى، ﴾ 17 ﴿
ئاسمان قانداق ئېگىز قىلىندى، ﴾ 18 ﴿
تاغلار قانداق تۇرغۇزۇلدى، ﴾ 19 ﴿
زېمىن قانداق يېيىتىلدى ﴾ 20 ﴿
سەن (ئۇلارغا) ۋەز - نەسىھەت قىلغىن، سەن پەقەت (ئۇلارغا) ۋەز - نەسىھەت قىلغۇچىسەن ﴾ 21 ﴿
سەن ئۇلارغا مۇسەللەت (يەنى ئۇلارنى ئىمانغا مەجبۇرلىغۇچى) ئەمەسسەن ﴾ 22 ﴿
لېكىن كىمكى (ۋەز - نەسىھەتتىن) يۈز ئۆرۈپ (اﷲ نى) ئىنكار قىلىدىكەن، ﴾ 23 ﴿
اﷲ ئۇنى قاتتىق ئازابلايدۇ ﴾ 24 ﴿
ئۇلار (ئۆلگەندىن كېيىن) ھەقىقەتەن بىزنىڭ دەرگاھىمىزغا قايتىدۇ ﴾ 25 ﴿
ئاندىن ئۇلاردىن ھېساب ئېلىشقا بىز مەسئۇلمىز ﴾ 26 ﴿